Lorelia


O nome talvez vos resulte novo mais non as nosas caras. Nacimos como Paracetafolk a finais de 2023 e, xa sendo as oito personaxes actuais, saímos dos Premios Martín Códax da Música 2025 co premio de Artista Emerxente. Levamos publicado xa varios sinxelos e un EP, pero agora subimos un chanzo máis.
Somos Lorelia, acompáñanos nesta nova aventura!

Xira 2026

Nova parada: o 7 de Agosto en Rianxo

Aquí tedes a nosa axenda para este ano. Nas nosas redes e neste páxina iranse subindo os cartaces para que estedes ben enterados e non vos perdades os vindeiros concertos.

Instagram Facebook

Próximos eventos

7 – Agosto

Festas de Asados (Rianxo)

O primeiro concerto de agosto cae en venres, en Rianxo…e con tremendos compañeiros de cartaz! Alí nos vemos xente.

Info

18 – Xullo

Concerto na Ponte de Brandomil

Un dos nosos concertos máis especiais. Non é un gran festival, non estamos na carpa máis grande nin en ningún cartaz cheo de grupazos. Estamos ao lado da casa, nunha das paraxes máis fermosas onde poder dar un concerto segundo se pon o sol: a Ponte de Brandomil (Zas)

Info

20 – xuño

Foliada de San Xoan de Carballo

Abrimos o verán en Carballo, na casa de dous dos nosos músicos, e precedidos pola gran canteira que teñen as numerosas asociacións culturais deste concello.

Info

24 – Abril

Concerto adicado á Revolución dos Cravos
As Pías + Lorelia na Sala Rebullón

Volvemos xuntarnos con outro grupazo, desta vez As Pías, nunha data tan especial coma esta e na Sala Rebullón! Arranca As Pías ás 22:00 e pechamos nós. Entradas na seguinte ligazón, onde tamén podedes mercar unha copia de NUS asinada por nós. Agardámoste!

Info Entradas

6 – Marzo

Nimbos + Lorelia
A Pousada da Galiza Imaxinaria

Desta vez a ledicia é dobre: xuntámonos cun grupazo coma Nimbos e facémolo para levar a nosa música nin máis nin menos que Á Pousada da Galiza Imaxinaria. Imos levar ademais unha formación diferente á habitual. Se aínda non tedes a vosa entrada, podedes mercala na seguinte ligazón.

Info

28 – FEBREIRO

I Foliada Inllar

A segunda parada do ano non se fai agardar. Unha hora de concerto en Ponteceso para dar comezo á I Foliada Inllar.

Info

26 – febreiro

Casa da Crechas

LORELIA arranca esta nova aventura nun dos lugares máis icónicos da nosa música, a Casa das Crechas. Podes mercar as túas entradas na seguinte ligazón de enterticket.es. Agardámoste!

Info

24-Outubro

18-Outubro

17-Outubro

11-Outubro

24-Agosto

24-Xullo

Santa Comba (Presentación Disco ‘Nus’)

+

Presentación oficial do noso último traballo, ‘Nus’, nun concerto especial na Vivenda Sociocomunitaria de Santa Comba. Unha noite de estrea coa casa chea, precedida polas actuacións de Os Pequenos da Baña e A Ponte Vella, para celebrar a saída do disco.

Info

O Grove (Festival Solidario Nos Seus Pés)

+

Sumámonos á VII edición deste festival solidario na Praza do Corgo. Unha xornada para apoiar a causa de Proem-Aid.

Info

Vimianzo (A Muiñada)

+

Noite de foliada e concertos na contorna dos Muíños da Gándara. Un pracer formar parte desta festa que organiza a asociación Cherinkas recuperando o espírito das vellas muiñadas.

Info

Carballo (Presentación Live in Cances)

+

Concerto e celebración no Casino de Carballo! Un acto moi concorrido onde se presentou o disco colectivo ‘Live in Cances’, co que a Asociación San Campio conmemorou os seus 25 anos. Un proxecto que mestura o rock e o pop da zona coa música tradicional das cantareiras, demostrando o músculo musical da parroquia.

Info

Moeche (Festival Irmandiño)

+

Estivemos aos pés do castelo na 45ª edición do Irmandiño. Un dos grandes encontros do verán onde puidemos levar a nosa proposta a un escenario histórico.

Info

Santiago (Folk na Beira do Sar)

+

Tocando nunha contorna privilexiada, a carón da Colexiata. Un concerto dentro do ciclo que organiza a asociación do barrio para manter viva a música de raíz a carón do río.

Info

Quen Somos

Adrian

Adrián Suárez Recarey, gaiteiro e vocalista de Santa Comba. Informático de profesión. Ligado aos grupos musicais xalleiros e á A.C. Axio Mouro; onde participa da directiva e foi mestre de iniciación. Tamén colaborou con outras agrupacións como Ximiela ou San Xoán de Calo, e continúa a día de hoxe a recoller as músicas dos seus arredores.

Angel

É o saxofonista e compositor/arranxista de Lorelia, procedente dunha saga familiar de músicos rurais de Meanos. Matemático e graduado profesional en saxofón. Tamén é gaiteiro en grupos coma os Santa Combers ou o dúo Luces de Petromax.

Angela

Vocalista e pandereteira chegada dende Langueirón de Zas. Enfermeira de formación, e con doce anos de experiencia na pandeireta e seis en coro e piano., participou en agrupacións coma “Churía” de Zas e a banda “Aires do Pinar” de Cabana de Bergantiños.

Xairo

Clarinetista e home para todo en Lorelia. No seu Carballo natal formouse en clarinete e percusión, compaxinando o Grao Superior de Composición coa Enxeñaría de Datos e o mestrado. Director da Coral Polifónica de Mera.

Raquel

A violinista do grupo, chegada dende Culleredo. Adícase á enxeñaría de datos e é graduada profesional en violín polo Conservatorio de Culleredo. Tamén participa da actividade coral, e de cando en vez poderes escoitar a súa voz tamén nalgún tema de Lorelia, coma
Camiño do mare.

Tomás

Ao cargo da percusión xunto con Kevin, Tomás de Lires non precisa gran presentación, pois non hai asiduo ás foliadas que non o coñeza. Tamén destaca por ser un gran gaiteiro e bailador. É mestre na Universidade Popular de Corcubión e participa da Coral Polifónica Costa da Morte. Son numerosos os grupos en que participou: Brincadeira de Santiago, ARCE Pedras Miúdas de Lires ou Mestura fol, Abaladeiras de Muxía ou Rinchonas de Corcubión.

Kevin

Aos mandos da percusión con Tomás, temos a Kevin, un muxián de Leis, nado en Suíza. Un todoterreo ao que porlle calquera percu nas mans para que a domine nun chisco. De profesión, mecánico e estudante de informática. Foi mestre de percusión en Abrindo Rejo de Xaviña. Toca coas agrupacións desta asociación en con Nin Chica nin Patacón, ademais do dúo Luces de Petromax.

Brais

Acordeonista, carballés e o veterán do grupo. Tras formarse no Conservatorio Superior da Coruña, fixo do instrumento a súa profesión. Foi mestre no CMUS Manuel Quiroga de Pontevedra e na Escola de Música de Oleiros, e resultou premiado con conxuntos coma Seefol (Premio Certame Ponferrada de Acordeón).

Escóitanos

NUS (EP)


Novembro de 2025
Este EP homenaxea a Nus, grupo folk de Escairón. Estas pezas son unha reimaxinación dunha maqueta que non chegaron a converter en disco. Inclúe tres pezas en directo do concerto de presentación do EP.

Spotify Youtube Amazon

Varilongo (Sinxelo)


Maio de 2025
A nosa reviravolta dunhas coplas da Mina de Varilongo, famosas na Santa Comba onde nace o grupo, pero non tan presente nas plataformas dixitais.

Spotify Youtube Amazon

Debaixo das Cerdeiras (Sinxelo)


Marzo de 2025
Peza baseada na melodía dunha cantiga de amor ucraína, que galeguizamos e presentamos a modo de preludio lento máis pasodobre.

Spotify Youtube Amazon

Galería


Síguenos nas nosas redes sociais

Tlf / Whatsapp Instagram Facebook Youtube Spotify Amazon Music

contacto@lorelia.gal

+34 674 641 995

A Asociación PARACETAFOLK conta co apoio da Deputación da Coruña a través dos programas de subvencións FO213 e FO214, destinados ao desenvolvemento de actividades culturais e á realización de investimentos.